കൊച്ചി: മോഹന്‍ലാലും ജീത്തു ജോസഫും ഒരുമിക്കുന്ന ചിത്രമാണ് റാം. തൃഷയാണ് റാമില്‍ നായിക വേഷം ചെയ്യുന്നത്. ചിത്രത്തിലെ നായിക കഥാപാത്രം ചെയ്യാന്‍ തൃഷയുടെ പേര് നിര്‍ദേശിച്ചത് മോഹന്‍ലാല്‍ തന്നെയാണ്. ഹേ ജൂഡിനുശേഷം തൃഷ അഭിനയിക്കുന്ന മലയാളചിത്രമാണ് റാം.
കൊച്ചിയില്‍ ചിത്രത്തിന്‍റെ ടൈറ്റില്‍ റിലീസിനിടെയാണ് മോഹന്‍ലാല്‍ ഈ കാര്യം വെളിപ്പെടുത്തിയത്. റാമിലെ നായിക കഥാപാത്രം ഒരു ഡോക്ടര്‍ ആണ്. ഈ വേഷം ചെയ്യാന്‍ മലയാളത്തില്‍ അധികം കണ്ടു പരിചയമില്ലാത്ത മുഖമാണ് നല്ലതെന്നും തൃഷ അനുയോജ്യയായിരിക്കുമെന്നും നിര്‍ദേശിച്ചത് മോഹന്‍ലാലാണ്. മോഹന്‍ലാലിനെ കാണുന്പോഴെല്ലാം ഒരുമിച്ചൊരു ചിത്രം എന്നാണെന്നാണ് താന്‍ തിരക്കാറുള്ളതെന്നു തൃഷ പറഞ്ഞു. ആശീര്‍വാദ് സിനിമാസിന്‍റെ ബാനറില്‍ രമേഷ് പി പിള്ള, സുധന്‍ പി പിള്ള എന്നിവരാണ് റാം നിര്‍മ്മിക്കുന്നത്. അതേസമയം ജീത്തു ജോസഫിന്‍റെ ആദ്യ ബോളിവുഡ് ചിത്രം ദി ബോഡി തിയറ്ററുകളില്‍ ഓടിക്കൊണ്ടിരിക്കുകയാണ്. .
