കോഴിക്കോട്: മുക്കത്ത് സ്വകാര്യ ബസ്സ് ജീവനക്കാർ തമ്മിലുണ്ടായ സംഘർഷത്തിൽ ആറ് പേർക്ക് പരിക്കേറ്റു. അഞ്ച് ജീവനക്കാർക്കും ഒരു യാത്രക്കാരനുമാണ് പരിക്കേറ്റത്. ബസ്സുകളുടെ സമയത്തെചൊല്ലിയുള്ള തർക്കമാണ് സംഘർഷത്തിൽ കലാശിച്ചത്. വാക്കേറ്റം കത്തിക്കുത്തിൽ കലാശിക്കുകയായിരുന്നു. ആരുടെയും പരിക്ക് ഗുരുതരമല്ല. മുക്കം പൊലീസ് കേസ്സെടുത്ത് അന്വേഷണമാരംഭിച്ചു.
