മുംബൈ• ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റില്‍ ഇന്ത്യയ്ക്ക് ഇന്നിങ്സിന്റെയും 36 റണ്സിന്റെയും തകര്‍പ്പന്‍ ജയം. രണ്ടാം ഇന്നിങ്സില്‍ ഇംഗ്ലണ്ട് 195 റണ്‍സിനു പുറത്തായി. ഇതോടെ അഞ്ചു മല്‍സരങ്ങളുള്ള പരമ്പര ഇന്ത്യ സ്വന്തമാക്കി. 3-0 ന് മുന്നിലാണ് ഇന്ത്യ. വിരാട് കോഹ്ലിയുടെ നേതൃത്വത്തില്‍ തുടര്‍ച്ചയായ നാലാം ടെസ്റ്റ് പരമ്ബര വിജയമാണിത്. അഞ്ചാം ദിവസം കളിയാരംഭിക്കുമ്ബോള്‍ ഇംഗ്ലണ്ട് രണ്ടാം ഇന്നിങ്സില്‍ ആറിന് 182 എന്ന പരിതാപകരമായ നിലയിലായിരുന്നു. ഒന്‍പതു റണ്‍സുനേടുന്നതിനിടെ നാലു വിക്കറ്റുകള്‍ കൂടി നഷ്ടമായതോടെ ഇന്ത്യ പരമ്ബര സ്വന്തമാക്കുകയായിരുന്നു. സ്കോര്‍: ഇംഗ്ലണ്ട്-400, 195. ഇന്ത്യ-631. അശ്വിന്‍ രണ്ടാം ഇന്നിങ്സില്‍ ആറു വിക്കറ്റ് നേടി. ഒന്നാം ഇന്നിങ്സിലും ആറു വിക്കറ്റ് നേടിയിരുന്നു. ടെസ്റ്റില്‍ അശ്വിന്റ് ഇരുപത്തിനാലാം അഞ്ചു വിക്കറ്റ് പ്രകടനമാണിത്.
