തിരുവനന്തപുരം: നേമത്ത് പൂര്‍ണ ആത്മവിശ്വാസത്തോടെയാണ് സ്ഥാനാർത്ഥികൾ.എന്നാൽ തിരഞ്ഞെടുപ്പു ഫല പ്രഖ്യാപന ദിവസത്തെപ്പോലെ ആകാംക്ഷയുടെ മുള്‍മുനയിലാണ് നേമം.
വി.ശിവന്‍കുട്ടി
എല്‍ ഡി എഫ് സ്ഥാനാര്‍ഥി വി.ശിവന്‍കുട്ടി പ്രഖ്യാപനത്തിനു മുന്‍പേ കളത്തിലിറ ങ്ങിയിരുന്നു. നേമത്ത് സി പി എമ്മും ബിജെപിയും തമ്മിലാണ് മത്സരമെന്നും കോണ്‍ഗ്രസ് സ്ഥാനാര്‍ഥിയായി മുരളീധരന്‍ വരുന്നതോടെ കോണ്‍ഗ്രസിന് നേമത്ത് എത്ര വോട്ടുണ്ടെന്ന് അറിയാമെന്നല്ലാതെ മറ്റു ഗുണങ്ങളൊന്നുമുണ്ടാകില്ലയെന്നും കെ. മുരളീധരന്‍ നേമത്ത് യുഡിഎഫ് സ്ഥാനാര്‍ഥിയായി വരുമെന്ന വാര്‍ത്തകളോട് പ്രതികരിക്കുകയായിരുന്നു ശിവന്‍കുട്ടി.
വ്യക്തികള്‍ തമ്മിലുള്ള മത്സരം അളക്കാന്‍ ഇത് ഗാട്ടാ ഗുസ്തിയല്ലായെന്നും എതിര്‍ സ്ഥാനാര്‍ഥി ആരാണ് എന്നത് പ്രശ്‌നമല്ലെന്നും ശിവന്‍കുട്ടി വ്യക്തമാക്കി.
കുമ്മനം രാജശേഖരന്‍
പൂര്‍ണ ആത്മവിശ്വാസം പ്രകടിപ്പിച്ച്‌ ബിജെപി നേതാവും നേമം സ്ഥാനാര്‍ത്ഥിയുമായ കുമ്മനം രാജശേഖരന്‍ രംഗത്ത്. സമൂഹത്തിന്റെ എല്ലാ വിഭാഗങ്ങളില്‍ നിന്നുമുള്ളവര്‍ ബിജെപി സ്ഥാനാര്‍ത്ഥി പട്ടികയിലുണ്ടെന്നും അത് തന്നെയാണ് പട്ടികയുടെ സവിശേഷതയെന്നും നേമത്തെ ജനങ്ങള്‍ കഴിഞ്ഞ കാലങ്ങളില്‍ ബിജെപിയെ അനുകൂലിച്ചു. ഇത്തവണയും അതുണ്ടാകുമെന്ന് പ്രതീക്ഷിക്കുന്നുവെന്നും സംസ്ഥാനത്ത് ബിജെപി വന്‍ വിജയം നേടുമെന്ന് കുമ്മനം രാജശേഖരന്‍ പറഞ്ഞു.
കെ മുരളീധരൻ
തുറുപ്പു ചീട്ടായാണ് കെ മുരളീധരനെ യുഡിഎഫ് കളത്തിലിറക്കുന്നത് . ഇന്ത്യൻ നാഷണൽ കോൺഗ്രസ്സിൽ പ്രവർത്തിച്ചിരുന്ന മുരളീധരൻ മൂന്നുതവണ കോഴിക്കോട് മണ്ഡലത്തിൽനിന്ന് ലോക്‌സഭയിലേക്ക് തിരഞ്ഞെടുക്കപ്പെട്ടിട്ടുണ്ട്.2011 മുതൽ 2019 വരെ വട്ടിയൂർകാവ് നിയോജക മണ്ഡലത്തിൽ നിന്നുള്ള നിയമസഭാംഗമായിരുന്ന മുരളീധരന്‍ നേമത്തെ വെല്ലുവിളികൾ സ്വയം ഏറ്റെടുത്ത് പൂർണ്ണ ആത്മ വിശ്വാസത്തോടെയാണ് ഇത്തവണ മത്സരത്തിനെത്തുന്നത്.
