മുംബൈ : വ്യവസായി നീരവ് മോദിയുടെ വസതിയില്‍ സിബിഐ റെയ്ഡ്. റെയ്ഡില്‍ കോടിക്കണക്കിന് രൂപ വിലമതിക്കുന്ന വസ്തുക്കള്‍ പിടിച്ചെടുത്തു. ഇതില്‍ 10 കോടി രൂപയുടെ മോതിരവും 1.40 കോടി രൂപ വിലമതിക്കുന്ന വാച്ചും ഉള്‍പ്പെടുന്നു. വറോളിയിലെ ആഡംബര വസതിയായ സമുദ്രമഹലില്‍ പരിശോധന നടത്തിയത് ആദായനികുതിവകുപ്പും സിബിഐയും സംയുക്തമായാണ്. ഇവിടെ നിന്ന് ലക്ഷക്കണക്കിന് രൂപ വില വരുന്ന പുരാതന ആഭരണങ്ങളുടെയും പെയിന്റിങ്ങുകളുടെയും വന്‍ ശേഖരമാണ് കണ്ടെടുത്തത്. അമ്ബതു കോടിയിലധികം രൂപ വിലവരുന്ന വസ്തുവകകള്‍ പരിശോധനയില്‍ കണ്ടെടുത്തതായാണ് പ്രാഥമിക വിവരം.
