കാസര്‍കോട് :ജില്ലാ കളക്ടറുടെ ഹോസ്ദുര്‍ഗ്ഗ് താലൂക്ക് ഓണ്‍ലൈന്‍ പരാതി പരിഹാര അദാലത്ത് നവംബര്‍ ഒമ്പതിന് ഉച്ചയ്ക്ക് രണ്ട് മുതല്‍ വൈകീട്ട് അഞ്ച് വരെ നടക്കും. പൊതുജനങ്ങള്‍ക്ക് ഇന്ന് (ഒക്ടോബര്‍ 21) മുതല്‍ ഒക്ടോബര്‍ 30 വരെ പരാതികള്‍ സമര്‍പ്പിക്കാം.
കുടിവെള്ളം, വൈദ്യുതി ,പെന്‍ഷന്‍, തദ്ദേശ സ്വയംഭരണം, ആരോഗ്യ വകുപ്പ് എന്നീ വിഷയങ്ങളുമായി ബന്ധപ്പെട്ട പരാതികളാണ് അദാലത്തില്‍ പരിഗണിക്കുക.സി എം ഡി ആര്‍ എഫ് ചികിത്സാ സഹായം, ലൈഫ് മിഷന്‍ പദ്ധതി, റേഷന്‍ കാര്‍ഡ് സംബന്ധിച്ച പരാതികള്‍ എല്‍ ആര്‍ എം കേസുകള്‍ സ്റ്റാറ്റിയൂട്ടറിയായി ലഭിക്കേണ്ട പരിഹാരം, പട്ടയത്തിനുള്ള അപേക്ഷ എന്നിവ അദാലത്തിലേക്ക് പരിഗണിക്കില്ല.
www.edistrict.kerala.gov.in ലൂടെ ഓണ്‍ലൈനായും അക്ഷയ കേന്ദ്രങ്ങള്‍ വഴിയും പരാതികള്‍ സമര്‍പ്പിക്കാം. ഹോസ്ദുര്‍ഗ്ഗ് താലൂക്ക് ഓഫീസിലും ബന്ധപ്പെട്ട വില്ലേജ് ഓഫീസുകളിലും നേരിട്ടും പരാതികള്‍ സ്വീകരിക്കും. ഓണ്‍ലൈനായി പരാതി പരിഹാര അദാലത്തിലേക്ക് സമര്‍പ്പിക്കുന്ന എല്ലാ പരാതികളും ഹോസ്ദുര്‍ഗ്ഗ് താലൂക്ക് ഓഫീസിലേക്ക് അയക്കണം
