തിരുവനന്തപുരം : കണ്ണൂര്‍, കരുണ മെഡിക്കല്‍ കോളേജ് വിഷയത്തില്‍ സര്‍ക്കാര്‍ നടപടിയെ ഒരിക്കലും തള്ളിപ്പറയില്ലെന്ന് മുന്‍ മുഖ്യമന്ത്രി ഉമ്മന്‍ചാണ്ടി. ‘കുട്ടികളുടെ ഭാവി കണക്കിലെടുത്ത് മനുഷ്യത്വപരമായ സമീപനം സ്വീകരിക്കണമെന്ന നിലപാടാണ് പ്രതിപക്ഷം സ്വീകരിച്ചത്. ഇത്രയധികം കുട്ടികളുടെ ഭാവി പൂര്‍ണ്ണമായും അടഞ്ഞു പോകുന്നൊരു സാഹചര്യം ഒഴിവാക്കാന്‍ വേണ്ടി മനുഷ്യത്വപരമായ സമീപനം എടുക്കണമെന്ന നിലപാടായിരുന്നു പ്രതിപക്ഷത്തിന്റേത്. എന്നാല്‍ നിയമത്തിനു മുന്നില്‍ ആ നിലപാടിനുണ്ടായ വീഴ്ച്ചകളാണ് ചൂണ്ടിക്കാട്ടപ്പെട്ടതെന്നും ഉമ്മന്‍ചാണ്ടി പറഞ്ഞു.
