കോട്ടയം: മുഖ്യമന്ത്രി പിണറായി വിജയന്റെയത്ര വര്‍ഗീയവാദികളല്ല ബി.ജെ.പിക്കാരെന്ന് പി.സി ജോര്‍ജ് എം.എല്‍.എ. ബി.ജെ.പിക്കാര്‍ കുഴപ്പക്കാരാണെന്ന് തോന്നിയിട്ടില്ല. കോണ്‍ഗ്രസ് -സി.പി.എം വോട്ട് കച്ചവടം നിര്‍ത്തുകയാണ് ജനപക്ഷത്തിന്റെ ലക്ഷ്യമെന്നും അദ്ദേഹം പറഞ്ഞു. നിയമസഭയില്‍ തനിക്ക് സഹകരിക്കാന്‍ കഴിയുന്നത് ഒ.രാജഗോപാലുമായി മാത്രമാണെന്ന് പി.സി ജോര്‍ജ് പറഞ്ഞു. എല്ലാ പാര്‍ട്ടികളുമായും സഖ്യത്തിന് ശ്രമിച്ചു. പ്രതികരിച്ചത് ബി.ജെ.പി മാത്രമാണ്. ബി.ജെ.പിയില്‍ ചേരില്ല, സഹകരണം മാത്രമാണുണ്ടാവുകയെന്നും അദ്ദേഹം വ്യക്തമാക്കി.
