തിരുവനന്തപുരം : മൂന്നാറില്‍ കെട്ടിട നിര്‍മാണത്തിന് പ്രത്യേക നിയമനിര്‍മാണം പരിഗണനയിലാണെന്ന് മുഖ്യമന്ത്രി പിണറായി വിജയന്‍ നിയമസഭയില്‍ പറഞ്ഞു. ഇക്കാര്യത്തില്‍ ജനങ്ങളെ ബുദ്ധിമുട്ടിക്കില്ലെന്നും കലക്ടര്‍മാര്‍ക്ക് നിര്‍ദേശം നല്‍കിയെന്നും മുഖ്യമന്ത്രി അറിയിച്ചു. അടിമാലി, മൂന്നാര്‍ മേഖലയിലെ എട്ടു വില്ലേജുകളിലെ നിരോധന ഉത്തരവുമായി ബന്ധപ്പെട്ട വിഷയത്തില്‍ അടിയന്തര പ്രമേയത്തിനു അനുമതി തേടി പ്രതിപക്ഷം നല്‍കിയ നോട്ടിസിന് മറുപടി പറയുകയായിരുന്നു അദ്ദേഹം.
