ലണ്ടന്: ഇംഗ്ലീഷ് പ്രീമിയര് ലീഗ് ഫുട്ബോളില് മാഞ്ചസ്റ്റര് യുണൈറ്റഡിനു തുടര്ച്ചയായ മൂന്നാം ജയം. യുണൈറ്റഡ് 4-1ന് എഎഫ്സി ബേണ്മത്തിനെ കീഴടക്കി. പോഗ്ബയുടെ ഇരട്ടഗോള് ബലത്തിലാണ് യുണൈറ്റഡിന്റെ ജയം. 5, 33 മിനിറ്റുകളിലാണ് പോഗ്ബ ഗോള്വല ചലിപ്പിച്ചത്. റാഷ്ഫോര്ഡ്(45-ാം മിനിറ്റ്), ലുക്കാക്കു(72-ാം മിനിറ്റ്) എന്നിവരും യുണൈറ്റഡിനായി ലക്ഷ്യംകണ്ടു. അകെ(45+2) ബേണ്മത്തിന്റെ ആശ്വാസഗോള് നേടി. 35 പോയിന്റുമായി ലീഗില് ആറാം സ്ഥാനത്താണ് മാഞ്ചസ്റ്റര് യുണൈറ്റഡ്.
