തിരുവനന്തപുരം: പൂജപ്പുര സെന്‍ട്രല്‍ ജയിലില്‍ നിന്നും ജയില്‍ ആസ്ഥാന കാര്യാലയത്തില്‍ ശുചീകരണത്തിനായി നിയോഗി ച്ചിരുന്ന രണ്ട് അന്തേവാസികള്‍ക്ക് കൊവിഡ് രോഗലക്ഷണങ്ങള്‍ കണ്ടതിനെ തുടർന്ന് ആരോഗ്യ വകുപ്പി ന്റെ നിര്‍ദ്ദേശ പ്രകാരം 3 ദിവസത്തേക്ക് ജയില്‍ ആസ്ഥാനം അടച്ചിടാന്‍ തീരുമാനിച്ചതായി വകുപ്പ് മേധാവി ഋഷിരാജ് സിംഗ് പറഞ്ഞു.
പൂജപ്പുര ജയിലിലുള്ള 975 തടവുകാര്‍ക്കും ടെസ്റ്റ് നടത്താനാണ് ജയില്‍ വകുപ്പ് തീരുമാനം.പൂജപ്പുര സെന്‍ട്രല്‍ ജയിലിലും കൊവിഡ് ആശങ്ക തുടരുകയാണ്. 41 തടവുകാര്‍ക്കും ഉദ്യോഗസ്ഥനും അടക്കമാണ് കഴിഞ്ഞ ദിവസം കൊവിഡ് സ്ഥിരീകരിച്ചത്. കൂടാതെ 51 തടവുകാര്‍ക്കും കൊവിഡ് സ്ഥിരീകരിച്ചിരുന്നു. ജയിലില്‍ കൂടുതല്‍ ആന്റിജന്‍ പരിശോധന നടത്തും. അണുനശീകരണം പൂര്‍ത്തിയാക്കിയ ശേഷമാകും ആസ്ഥാനം വീണ്ടും തുറക്കുക.
