ഹൈദരാബാദ്: കോണ്‍ഗ്രസ് അധ്യക്ഷനായി രാഹുല്‍ ഗാന്ധി തുടരാന്‍ ഒരു ശതമാനം പോലും സാധ്യതയില്ലെന്ന് മുതിര്‍ന്ന പാര്‍ട്ടി നേതാവ് വീരപ്പമൊയ്‌ലി. രാഹുല്‍ അദ്ദേഹത്തിന്‍റെ തീരുമാനത്തില്‍നിന്നും പിന്നോട്ട് പോകാന്‍ സാധ്യതയില്ല. കോണ്‍ഗ്രസ് ഉടന്‍ വര്‍ക്കിംഗ് കമ്മിറ്റി ചേരുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു.
രാഹുലിന് പകരം മറ്റൊരു പേര് ആലോചിക്കുന്നതിന് മുന്‍പ് പ്രവര്‍ത്തക സമിതി വീണ്ടും ഒരു യോഗം ചേരും. രാഹുലിന്‍റെ രാജി പ്രവര്‍ത്തക സമിതി അംഗീകരിച്ചില്ലെങ്കില്‍ ഊഹാപോഹങ്ങള്‍ ഉണ്ടാകുമെന്നും അദ്ദേഹം പറഞ്ഞു. എന്താണ് സംഭവിക്കാന്‍ പോകുന്നതെന്ന് പറയാന്‍ സാധിക്കില്ലെന്നും വീരപ്പ മൊയ്‌ലി കൂട്ടിച്ചേര്‍ത്തു.
