തൃശൂര്‍ : അറവ് നിരോധിച്ച കേന്ദ്ര സര്‍ക്കാര്‍ നടപടിയില്‍ സംസ്ഥാനത്ത് തിങ്കളാഴ്ച യു.ഡി.എഫ് കരിദിനം ആചരിക്കുമന്ന് രമേശ് ചെന്നിത്തല. അറവ് നിരോധിച്ച നടപടിയിലൂടെ സംസ്ഥാനത്തിനും രാജ്യത്തിനും 26,000 കോടിയുടെ നഷ്ടമാണുണ്ടാവുക. ഉത്തരവ് ദുരുദ്ദേശപരമാണ്. അംഗീകരിക്കാനാകില്ല. കര്‍ഷകരും തൊഴിലാളികളും പട്ടിണിയിലാകുന്നതും കടുത്ത സാമ്ബത്തിക ബാധ്യത ഉണ്ടാക്കുന്നതുമാണ്. കേന്ദ്രം ഉത്തരവ് തിരുത്താന്‍ തയാറാകണം. യു.ഡി.എഫും കോണ്‍ഗ്രസും പ്രക്ഷോഭം സംഘടിപ്പിക്കുമെന്നും ഇതിെന്‍റ ഭാഗമായി തിങ്കളാഴ്ച കരിദിനം ആചരിക്കുമെന്നും രമേശ് ചെന്നിത്തല പറഞ്ഞു.
അതിരപ്പള്ളി പദ്ധതിയുമായി ബന്ധപ്പട്ട് ഉയരുന്ന അഭിപ്രായങ്ങളും അവകാശ വാദങ്ങളും കഴമ്ബില്ലാത്തതാണ്. ഡാമുകള്‍ ആവശ്യമില്ലാത്തതും ഇതര മേഖലകളില്‍ നിന്ന് വൈദ്യുതി ഉത്പാദിപ്പിക്കാവുന്നതുമായ സാഹചര്യം ഉണ്ടെന്നിരിക്കെ അതിരപ്പള്ളി പദ്ധതി വേണമെന്ന വാദം ഉയര്‍ത്തുന്നത് തെറ്റാണ്. ഇതുമായി ബന്ധപ്പെട്ട ഒരു സമവായ ചര്‍ച്ചക്കും യു.ഡി.എഫ് ഇല്ല. ചര്‍ച്ചക്ക് വിളിച്ചാലും പെങ്കടുക്കില്ലെന്നും രമേശ് ചെന്നിത്തല പറഞ്ഞു.
