തിരുവനന്തപുരം : നാറാണത്തു ഭ്രാന്തനെ പോലെ ആണ് സർക്കാർ ശബരിമലയിൽ പെരുമാറുന്നതെന്ന് പ്രതിപക്ഷ നേതാവ് രമേശ് ചെന്നിത്തല. അവർ തന്നെ സ്ത്രീകളെ കൊണ്ടുവരുന്നു അതേ സ്പീഡിൽ അവർ തന്നെ തിരിച്ചിറക്കുന്നു. മനിതി സംഘത്തെ ആരാണ് കൊണ്ടുവന്നത് എന്ന കാര്യത്തില്‍ അന്വേഷണം വേണമെന്നും ചെന്നിത്തല പറഞ്ഞു. ലോക്സഭ തെരഞ്ഞെടുപ്പിലെ പരാജയം മുന്നിൽ കണ്ടാണ് ഇടത് മുന്നണി വിപുലീകരിക്കുന്നത്–രമേശ് ചെന്നിത്തല പറഞ്ഞു. വീരേന്ദ്രകുമാർ ഭൂമി കയ്യേറ്റക്കാരൻ ആണെന്നാണ് സിപിഎം നിലപാട്. അത് മാറിയോ എന്ന് സിപിഎം വ്യക്തമാക്കണം. അഴിമതിക്കാരൻ എന്ന് പറഞ്ഞാണ് ആര്‍ ബാലകൃഷ്ണപ്പിള്ളയെ വിഎസ് അച്യുതാനന്ദൻ ജയിലിൽ അടച്ചത്. അഴിമതിയുമായി സന്ധി ചെയ്യാൻ സിപിഎമ്മിന് മടിയില്ലെന്ന് ഇത് വ്യക്തമാക്കുന്നു. ഇടതുമുന്നണി ശക്തമാക്കാൻ ഇത് കൊണ്ടൊന്നും കഴിയില്ലെന്നും അദ്ദേഹം പറഞ്ഞു.
എന്തിനാണ് വനിതാ മതിലെന്ന് സര്‍‍ക്കാര്‍ വ്യക്തമാക്കണം. വനിതാ മതിലിൽ പങ്കെടുക്കാൻ കുടുംബശ്രീ പ്രവർത്തകരെ അടക്കം സിപിഎം ഭീഷണിപ്പെടുത്തുകയാണ്. പെൻഷൻകാരെ പോലും വെറുതെ വിടുന്നില്ലെന്നും ചെന്നിത്തല പറ്റു.
