തിരുവനന്തപുരം: ശബരിമലയിലെ നടവരവ് കുറഞ്ഞത് ബോര്‍ഡിന്‍റെയോ ക്ഷേത്രങ്ങളിലെയോ ജീവനക്കാരെ ബാധിക്കില്ലെന്ന് ദേവസ്വം ബോര്‍ഡ് പ്രസിഡന്‍റ് എ.പദ്മകുമാര്‍. ബജറ്റില്‍ കൂടുതല്‍ സഹായമുണ്ടാകുമെന്നും പദ്മകുമാര്‍ പറഞ്ഞു. നടവരവില്‍ മുന്‍വര്‍ഷത്തെ അപേക്ഷിച്ച്‌ 94 കോടി രൂപയുടെ കുറവുണ്ടായിരുന്നു.ദേവസ്വം ബോര്‍ഡ് പ്രസിഡന്‍റ് സ്ഥാനം രാജിവയ്ക്കില്ലെന്നും അദ്ദേഹം ആവര്‍ത്തിച്ച്‌ വ്യക്തമാക്കി. ബോര്‍ഡ് പ്രസിഡന്‍റ് കാലാവധി തീരും വരെ ഔദ്യോഗിക സ്ഥാനത്ത് തുടരുമെന്നു അദ്ദേഹം പറഞ്ഞു. 2019 നവംബര്‍ 14 വരെയാണ് പദ്മകുമാറിന്‍റെ ഔദ്യോഗിക കാലാവധി. മുന്‍വര്‍ഷത്തെ അപേക്ഷിച്ച്‌ തീര്‍ഥാടകരുടെ തിരക്ക് കുറഞ്ഞതാണ് നട വരുമാനത്തെ ബാധിച്ചത്. കഴിഞ്ഞവര്‍ഷം നടവരുമാനമായ 260 കോടി 81 ലക്ഷം ലഭിച്ചിരുന്നു.
