മൂവാറ്റുപുഴ : കാറ്റാടി യന്ത്രം സ്ഥാപിച്ചു നല്‍കാമെന്നു വാഗ്ദാനം ചെയ്തു പണം തട്ടിയ കേസില്‍ സരിതാ എസ്. നായര്‍ക്കെതിരെ ജാമ്യമില്ലാ അറസ്റ്റുവാറണ്ട്.
വാഴക്കുളം സ്വദേശികളില്‍ നിന്നു 40 ലക്ഷത്തോളം രൂപ തട്ടിയെടുത്തുവെന്ന കേസില്‍ വിസ്താരത്തിനു ഹാജരാകാതിരുന്നതിനെത്തുടര്‍ന്നാണു സരിതയെ അറസ്റ്റു ചെയ്തു ഹാജരാക്കാന്‍ മൂവാറ്റുപുഴ മജിസ്ട്രേറ്റ് കോടതി നിര്‍ദേശിച്ചത്. സരിതയുടെ ജാമ്യം റദ്ദാക്കുകയും ചെയ്തിട്ടുണ്ട്. വിസ്താരമധ്യേ പലവട്ടം കോടതിയില്‍ ഹാജരാകാന്‍ നിര്‍ദേശിച്ചിട്ടും സരിത എത്താതിരുന്നതിനെത്തു തുടര്‍ന്നാണ് കോടതി നടപടി.
