ബെംഗളൂരൂ : അനധികൃത സ്വത്തുകേസുമായി ബന്ധപ്പെട്ട് ബെംഗളൂരു ജയിലില്‍ കഴിയുന്ന അണ്ണാ ഡിഎംകെ മുന്‍ ജനറല്‍ സെക്രട്ടറി വി കെ ശശികലയുടെ പരോള്‍ അപേക്ഷ തള്ളി. ബെംഗളൂരൂ ജയില്‍ അധികൃതരാണ് ശശികലയുടെ അപേക്ഷ തള്ളിയത്. കരള്‍രോഗബാധിതനായി ചികിത്സയില്‍ കഴിയുന്ന ഭര്‍ത്താവ് എം.നടരാജനെ പരിചരിക്കുന്നതിനായാണ് 15 ദിവസത്തെ പരോളിന് ശശികല അപേക്ഷ നല്‍കിയത്. അപേക്ഷയില്‍ വേണ്ടത്ര വിവരങ്ങള്‍ നല്‍കിയിട്ടില്ലെന്ന് ചൂണ്ടിക്കാട്ടിയാണ് കര്‍ണാടക ജയില്‍ വകുപ്പ് സൂപ്രണ്ടന്‍റ് സോമശേഖര്‍ അപേക്ഷ തള്ളിയത്. മാത്രമല്ല കൂടുതല്‍ വിവരങ്ങളും സത്യവാങ്ങ് മൂലവും ഉള്‍പ്പെടുത്തി പുതിയ അപേക്ഷ സമര്‍പ്പിക്കാനും ശശികലയ്ക്ക് നിര്‍ദേശം നല്‍കിയിട്ടുണ്ട്.
