തിരുവനന്തപുരം: എസ്ബിഐയില്‍ അടയ്ക്കേണ്ട വായ്പാ മാര്‍ച്ച്‌ ഒന്നുമുതല്‍ മേയ് 31 വരെ തിരിച്ചടവിനു മൊറട്ടോറിയം പ്രഖ്യാപിച്ചിട്ടുണ്ടെങ്കിലും തിരിച്ചടവ് തുകയ്ക്കു പലിശ ഈടാക്കുമെന്ന് എസ്ബിഐ. വായ്പയില്‍ ബാക്കി നില്‍ക്കുന്ന തുകയ്ക്ക് പലിശ ഈടാക്കുന്നതിനാല്‍ ഇപ്പോഴത്തെ പ്രതികൂല സാഹചര്യത്തിലും തിരിച്ചടവ് നടത്തുന്നതായിരിക്കും അഭികാമ്യമെന്നും എസ്ബിഐ വ്യക്തമാക്കി.
അതേസമയം എസ്ബിഐയില്‍ നിന്നും വായ്പയെടുത്തിരിക്കുന്ന എല്ലാ വായ്പക്കാര്‍ക്കും റിസര്‍വ് ബാങ്ക് ഓഫ് ഇന്ത്യ പ്രഖ്യാപിച്ചിരിക്കുന്ന ആശ്വാസ പാക്കേജ് ലഭിക്കും. മൊറട്ടോറിയം ലഭ്യമാകുന്നതിന് വായ്പ എടുത്തിട്ടുള്ള വ്യക്തി പ്രത്യേക അപേക്ഷ നല്‍കേണ്ടതില്ല.
മാര്‍ച്ച്‌, ഏപ്രില്‍ മാസങ്ങളില്‍ അടയ്ക്കേണ്ട തവണകള്‍ ഇതിനകം സേവിഗ്സ് അക്കൗണ്ടില്‍ നിന്നും ഡെബിറ്റ് ചെയ്യുകയോ വായ്പക്കാര്‍ തിരിച്ചടയ്ക്കുകയോ ചെയ്തിട്ടുണ്ടെങ്കില്‍ അനുബന്ധം 1 പൂര്‍ണമായും പൂരിപ്പിച്ച്‌ ഒപ്പിട്ട് മേല്‍പറഞ്ഞ ഇ മെയില്‍ വിലാസത്തിലേക്ക് അയയ്ക്കണം. അടച്ച തുക തിരികെ സേവിംഗ്സ് അക്കൗണ്ടില്‍ ലഭിക്കും.
എന്നാല്‍ ഗഡുക്കളുടെ തിരിച്ചടവിലേക്ക് ഓട്ടോ ഡെബിറ്റ് നിര്‍ദേശം നല്‍കിയിട്ടുള്ള വായ്പക്കാര്‍ അവരുടെ നിര്‍ദേശം മൂന്നു മാസത്തേക്ക് താല്‍ക്കാലികമായി മരവിപ്പിക്കുന്നതിനായി ബാങ്കിന്‍റെ വെബ്സൈറ്റില്‍(www.sbi.co.in/stopemi) ലഭ്യാമാക്കിയിരിക്കുന്ന നിര്‍ദിഷ്ട ഫോറത്തില്‍ (അനുബന്ധം 1) അപേക്ഷ സമര്‍പ്പിക്കണം. പൂരിപ്പിച്ച അപേക്ഷ [email protected] എന്ന ഇ മെയില്‍ വിലാസത്തിലേക്ക് അയയ്ക്കണം.
