തേഞ്ഞിപ്പലം: സംസ്ഥാന സ്കൂള്‍ കായികോത്സവത്തില്‍ പാലക്കാടിനു കിരീടം. നിര്‍ണായക റിലേ മത്സരത്തില്‍ നിന്ന് എറണാകുളം പിന്മാറിയതോടെയാണു പാലക്കാടു കിരീടം ഉറപ്പിച്ചത്. രണ്ടാം തവണയാണ് പാലക്കാടു കിരീടം നേടുന്നത്. ആദ്യ കിരീട നേട്ടം 2012ലായിരുന്നു. പാലക്കാട് 249 നേടിയപ്പോള്‍ രണ്ടാമതെത്തിയ എറണാകുളത്തിനു സ്വന്തമാക്കാനായത് 237 പോയിന്റാണ്. സ്കൂള്‍ തലത്തില്‍ കോതമംഗലം മാര്‍ ബസേലിയസ് കിരീടം നിലനിര്‍ത്തി. 14 സ്വര്‍ണവും 13 വെള്ളിയും 8 വെങ്കലവുമടക്കം 117 പോയിന്റാണു മാര്‍ ബസേലിയസ് നേടിയത്. 15 സ്വര്‍വും 7 വെള്ളിയും ആറു വെങ്കലവുമടക്കം 102 പോയിന്റോടെ കല്ലടി സ്കൂള്‍ രണ്ടാമതെത്തി.
