തിരുവനന്തപുരം ഒന്നര വര്‍ഷം മുമ്ബ് കൊവിഡ് വ്യാപനം കാരണം പൂട്ടിയ സ്‌കൂളുകള്‍ തുറക്കുന്നു. നവംബര്‍ ഒന്ന് മുതലാണ് വിദ്യാര്‍ഥികള്‍ വീണ്ടും സ്‌കൂളുകളിലെത്തി പഠനം നടത്തുക. മുഖ്യമന്ത്രിയുടെ അധ്യക്ഷതയില്‍ ചേര്‍ന്ന ഉന്നതതല കൊവിഡ് അവലോകന യോഗത്തിലാണ് തീരുമാനം.
ഘട്ടംഘട്ടമായാണ് സ്‌കൂളുകള്‍ തുറക്കുന്നത്. ഒന്നാം ക്ലാസ് മുതല്‍ ഏഴ് വരെയുള്ള ക്ലാസുകള്‍ നവംബര്‍ ഒന്ന് മുതല്‍ ആരംഭിക്കും. പ്ലസ് വണ്‍, പ്ലസ് ടു ക്ലാസുകളും അന്ന് ആരംഭിക്കും. മറ്റ് ക്ലാസുകളുടെ കാര്യം പിന്നീട് തീരുമാനിക്കും.
