മുംബൈ: ഓഹരി സൂചികകള്‍ നേട്ടത്തില്‍ ക്ലോസ് ചെയ്തു. സെന്‍സെക്‌സ് 155.47 പോയന്റ് ഉയര്‍ന്ന് 26366.15ലും നിഫ്റ്റി 68.75 പോയന്റ് നേട്ടത്തില്‍ 8103.60ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1672 കമ്പനികളുടെ ഓഹരികള്‍ നേട്ടത്തിലും 906 ഓഹരികള്‍ നഷ്ടത്തിലുമായിരുന്നു. വേദാന്ത, എച്ച്ഡിഎഫ്‌സി, ടിസിഎസ്, എച്ച്ഡിഎഫ്‌സി ബാങ്ക്, ടാറ്റ മോട്ടോഴ്‌സ്, ഭാരതി എയര്‍ടെല്‍, ഹീറോ മോട്ടോര്‍കോര്‍പ് തുടങ്ങിയവ നേട്ടത്തിലും സണ്‍ ഫാര്‍മ, ഇന്‍ഫോസിസ്, ഭേല്‍, ഐസിഐസിഐ ബാങ്ക്, ഡോ.റെഡ്ഡീസ് ലാബ് തുടങ്ങിയവ നഷ്ടത്തിലുമായിരുന്നു.
