ദീർഘകാലമായി പരസ്യ രംഗത്ത് സജീവമായി നില കൊള്ളുന്ന പ്രതിഭ ഷിജിൻ ലാൽ എസ്.എസ്. മലയാളത്തിൻറെ മഹാനടൻ മോഹൻലാൽ മലയാള സിനിമയ്ക്കും, സിനിമാ പ്രേമികൾക്കുമായി സമ്മാനിച്ച അഭിനയ മുഹൂർത്തങ്ങൾ കോർത്തിണക്കി ” ടു ലാലേട്ടൻ മലയാള സിനിമ ” എന്ന വീഡിയോ ആൽബം പുറത്തിറക്കുകയുണ്ടായി.തന്റെ ഉടമസ്ഥതയിലുള്ള സാഗരം ഫിലിം കമ്പനി നിർമ്മിച്ച ഈ വീഡിയോ ആൽബത്തിണ്റ്റെ ഔപചാരിക പ്രകാശന കർമ്മം ഇപ്പോൾ നിറഞ്ഞസദസ്സിൽ പ്രദർശിപ്പിച്ചു കൊണ്ടിരിക്കുന്ന സിനിമ പുലി മുരുകൻറെ സെറ്റിൽ വെച്ച് നടന വിസ്മയം മോഹൻലാൽ തന്നെ നിർവ്വഹിച്ചതുമാണ്. ഇപ്പോൾ ഈ മേഖലയിൽ തന്റെതായ ഒരു ഇടം നേടിയെടുക്കാൻ കുറഞ്ഞ കാലയളവു കൊണ്ട് തന്നെ ഷിജിൻ ലാൽ എന്ന പ്രതിഭയ്ക്ക് കഴിഞ്ഞിരിക്കുന്നു. ദീർഘകാലത്തെ പരിചയ സമ്പത്ത് എന്ന ധനം കൈമുതലാക്കി കൊണ്ട് ഈ പ്രതിഭ തീർത്തും പുതു മുഖങ്ങൾക്കു കൂടി അവസരം നൽകി കൊണ്ട് ഒരു സിനിമാ സംവിധാനം ചെയ്യാനുള്ള തുടക്കത്തിലാണ്.
ഡബ്ല്യു ജെ ക്രിയേഷൻസിൻറെ ബാനറിൽ ജോബി മാത്യു നിർമ്മിച്ച്, ഷിബിൻഷാ രചന നിർവഹിക്കുന്ന ” തേരാളി ” എന്ന ബഹു ഭാഷ ചിത്രത്തിലേയ്ക്കാണ് ഇപ്പോൾ അഭിനേതാക്കളെ തേടുന്നത്.ഒക്ടോബർ 16 ന് എർണാകുളം സൺറൈസ് ടവറിൽ നടക്കുന്ന ഓഡിഷനിൽ നിരവധി പേർ പങ്കെടുക്കുമെന്നാണ് റിപ്പോർട്ട്.മലയാള സിനിമാ ലോകത്ത് ഷിജിൻലാലിനെപ്പോലുള്ള പ്രതിഭകൾ ഒരു മുതൽകൂട്ടാണെന്നു തന്നെ പറയാം
