തിരുവനന്തപുരം : സിസ്റ്റര്‍ അഭയ കേസ് തിരുവനന്തപുരം സി.ബി.ഐ പ്രത്യേക കോടതി ഇന്ന് പരിഗണിക്കും. കേസിലെ തെളിവ് നശിപ്പിച്ചതിന് മുന്‍ ക്രൈംബ്രാഞ്ച് എസ്. പി കെ .ടി. മൈക്കിളിനെ പ്രതിയാക്കണമെന്ന ജോമോന്‍ പുത്തന്‍ പുരയ്ക്കലിന്റെ ഹര്‍ജിയിലാണ് വിധി പറയുക. അഭയ കേസുമായി ബന്ധപ്പെട്ട ആദ്യ വിധിയാണ് ഉണ്ടാകുന്നത്. ജോമോന്‍ പുത്തന്‍ പുറക്കലിന്റെ ഹര്‍ജിക്കൊപ്പം കെ.ടി മൈക്കിളിന്‍റെ ഹര്‍ജിയിലും വിധിയുണ്ടാകും. മുന്‍ ആര്‍ .ഡി. ഒ കിഷോറിനെയും, ക്ലാര്‍ക്ക് മുരളീധരനെയും തെളിവ് നശിപ്പിച്ചതിന് പ്രതി ചേര്‍ക്കണമെന്നാവശ്യപ്പെട്ടാണ് കെ.ടി മൈക്കിളിന്‍റെ ഹര്‍ജി. കേസിലെ പ്രതികളായ ഫാദര്‍ തോമസ് എം കോട്ടൂര്‍, സിസ്റ്റര്‍ സെഫി, ഫാദര്‍ ജോസ് പുത്രകയില്‍ എന്നിവരുടെ വിടുതല്‍ ഹര്‍ജിയിയിലും കോടതി ഇന്ന് വാദം കേള്‍ക്കും.
