അബുദാബി: ഇന്ത്യന്‍ ഫുട്ബോള്‍ ടീം പരിശീലകന്‍ സ്റ്റീഫന്‍ കോണ്‍സ്റ്റന്‍റൈന്‍ രാജിവച്ചു. ഏഷ്യന്‍ കപ്പ് ഫുട്ബോളിലെ അവസാന ഗ്രൂപ്പ് മല്‍സരത്തില്‍ ബഹ്റിനോടു തോറ്റ് ഇന്ത്യ ആദ്യ റൗണ്ടില്‍ പുറത്തായതിനു പിന്നാലെയാണു രാജി. ഈ മാസം അവസാനം വരെയായിരുന്നു കോണ്‍സ്റ്റന്‍റൈനുമായി കരാര്‍ ഉണ്ടായിരുന്നത്.2015-ലാണ് കോണ്‍സ്റ്റന്‍റൈന്‍ ഇന്ത്യന്‍ പരിശീലക സ്ഥാനം ഏറ്റെടുത്തത്. അന്ന് 173-ാം റാങ്കിലായിരുന്ന ഇന്ത്യയെ 96-ാം റാങ്ക് വരെ എത്തിക്കാന്‍ കോണ്‍സ്റ്റന്‍റൈനു കഴിഞ്ഞു.ഏഷ്യന്‍ കപ്പ് യോഗ്യതയും തായ്ലന്‍റിനെതിരായ ചരിത്ര വിജയവും ഒക്കെ കോണ്‍സ്റ്റന്‍റൈനു കീഴിലാണ് ഇന്ത്യ സ്വന്തമാക്കിയത്.
