തിരുവനന്തപുരം : ഭിന്നശേഷി വിദ്യാർഥികളുടെ പഠനത്തിന് സാമ്പത്തിക സഹായം നൽകുന്ന പോസ്റ്റ്‌മെട്രിക് സ്‌കോളർഷിപ്പിന് കേരളത്തിൽ നിന്നുള്ള വിദ്യാർഥികളിൽ നിന്ന് അപേക്ഷ ക്ഷണിച്ചു. പ്ലസ് വൺ മുതൽ ഉയർന്ന ക്ലാസ്സുകളിൽ പഠനം നടത്തുന്ന 40 ശതമാനത്തിൽ കുറയാതെ ഡിസ്എബിലിറ്റിയുള്ളതും 2,50,000 രൂപയിൽ കവിയാതെ കുടുംബവാർഷിക വരുമാനമുള്ളവരുമായിരിക്കണം. നിശ്ചയിക്കപ്പെട്ട വ്യവസ്ഥകൾക്ക് വിധേയമായി www.scholarships.gov.in ലെ നാഷണൽ സ്‌കോളർഷിപ്പ് പോർട്ടൽ മുഖേന ഓൺലൈനായി ഒക്‌ടോബർ 31 വരെ അപേക്ഷ സമർപ്പിക്കാം.
നേരിട്ടുള്ള അപേക്ഷ പരിഗണിക്കില്ല. വിശദവിവരങ്ങൾ www.scholarships.gov.in ൽ ലഭിക്കും. വിദ്യാർഥികൾക്ക് www.collegiateedu.kerala.gov.in ൽ മാർഗ്ഗനിർദ്ദേശങ്ങൾ നൽകിയിട്ടുണ്ട്. ഫോൺ: 9446096580, 9446780308, 0471-2306580.
