തിരുവനന്തപുരം: ശ്രീകാര്യം എഞ്ചിനീയറിങ് കോളജ് വിദ്യാര്‍ഥിയെ തൂങ്ങിമരിച്ച നിലയില്‍ കണ്ടെത്തി. പേരൂര്‍ക്കട സ്വദേശിയായ മാധവന്‍കുട്ടി (22)യാണ് ജീവനൊടുക്കിയത്. നന്ദന്‍കോടുള്ള ഫ്ലാറ്റിലാണ് മരിച്ചത്. ഏണിക്കര സ്വദേശി മധുകുമാറിന്റെ മകനാണ് മാധവന്‍കുട്ടി. കോളജിലെ മൂന്നാം സെമസ്റ്റര്‍ വിദ്യാര്‍ഥിയാണ്. രാത്രിയില്‍ ബന്ധുക്കളുടെ മൊഴി രേഖപ്പെടുത്തിയ പൊലീസ് നടപടികള്‍ പുരോഗമിക്കുകയാണെന്നും മരണത്തില്‍ ദുരൂഹതയുള്ളതായി ആരും മൊഴി തന്നിട്ടില്ലെന്നും അറിയിച്ചു.
