അബുദാബി :ഏഷ്യന്‍കപ്പില്‍ നേടിയ ഇരട്ട ഗോളുകളാണ് നിലവില്‍ ടീമില്‍ സജീവമായ താരങ്ങളില്‍ ഏറ്റവും കൂടുതല്‍ അന്താരാഷ്ട്ര ഗോളുകള്‍ നേടിയ രണ്ടാമത്തെ താരമെന്ന റെക്കോര്‍ഡിന് ഛേത്രിയെ അര്‍ഹനാക്കിയത്. 65 ഗോളുകളാണ് മെസി നേടിയതെങ്കില്‍. സുനില്‍ ഛേത്രി ഇതുവരെ നേടിയത് 67 ഗോളുകളാണ്. 85 ഗോളുമായി ക്രിസ്റ്റിയാനോ റൊണാള്‍ഡോയാണ് പട്ടികയില്‍ ഒന്നാമന്‍.
എ എഫ് സി ഏഷ്യന്‍ കപ്പിലെ ആദ്യ മത്സരത്തില്‍ തായ്‌ലന്‍ഡിനെ ഗോള്‍ മഴയില്‍ മുക്കി ഇന്ത്യക്ക് ഗംഭീര ജയത്തുടക്കം. ഒന്നിനെതിരെ നാല് ഗോളുകള്‍ക്കാണ് തായ്‌ലന്‍ഡിനെ തകര്‍ത്തത്. സുനില്‍ ഛേത്രി (ഇരട്ട ഗോള്‍), അനിരുദ്ധ് ഥാപ്പ, ജെജെ ലാല്‍പെഖുല എന്നിവരാണ് ഇന്ത്യയുടെ വിജയ ഗോളുകള്‍ സ്വന്തമാക്കിയത്. 33-ാം മിനിറ്റില്‍ തീരസില്‍ ദംഗ്ഡയിലൂടെയാണ് തായ്‌ലന്‍ഡ് ആശ്വാസ ഗോള്‍ നേടിയത്.
