ന്യൂഡല്‍ഹി• മൂന്നാറിലെ ഏലപ്പാട്ട ഭൂമിയില്‍ റിസോര്‍ട്ട് നിര്‍മിക്കാന്‍ പാടില്ലെന്ന് സുപ്രീംകോടതി. അനുവദിച്ച ആവശ്യങ്ങള്‍ക്കല്ല ഭൂമി ഉപയോഗിക്കുന്നത്. കൃഷി ചെയ്യാന്‍ നല്‍കിയ ഭൂമിയില്‍ എങ്ങനെയാണ് റിസോര്‍ച്ച്‌ നിര്‍മിച്ചതെന്ന് കോടതി ആരാഞ്ഞു. ഉടമസ്ഥാവകാശം പതിച്ചുനല്‍കിയ ഹൈക്കോടതി വിധി പരിശോധിക്കും. മൂന്നാര്‍ വുഡ്സ്, ക്ലൗഡ് 9 റിസോര്‍ട്ടുകള്‍ക്കെതിരെയാണ് നടപടി. കൂടുതല്‍ വാദം കേള്‍ക്കാനായി കേസില്‍ മറ്റൊരു ദിവസത്തേയ്ക്ക് മാറ്റിവച്ചു. അതേസമയം, സുപ്രീംകോടതിയുടെ നിലപാട് മൂന്നാറിലെ പട്ടയ വിതരണത്തെ ബാധിക്കും. ഉപാധിരഹിത പട്ടയമെന്ന സര്‍ക്കാര്‍ നിലപാടിനുമെതിരാണിത്.
