തിരുവനന്തപുരം: 86-ാമത് ശിവഗിരി തീര്‍ത്ഥാടനം ഇന്ന് രാവിലെ 10ന് ഗവര്‍ണര്‍ പി സദാശിവം ഉദ്ഘാടനം ചെയ്യും.അറിവ്, ആത്മീയത, ആരോഗ്യം എന്നീ ഗുരുദേവ ആശയങ്ങളെ മുന്‍നിര്‍ത്തി ഡിസംബര്‍ 30, 31, ജനുവരി ഒന്ന് തീയതികളിലാണ് തീര്‍ത്ഥാടനം.മന്ത്രി എ കെ ബാലന്‍ ചടങ്ങില്‍ മുഖ്യാതിഥിയാകും.
സംസ്ഥാനത്തിന്‍റെ വിവിധ ഭാഗങ്ങളില്‍ നിന്നുളള പദയാത്രകള്‍ ശിവഗിരിയില്‍ എത്തിച്ചേര്‍ന്നിട്ടുണ്ട്. മിസോറം ഗവര്‍ണര്‍ കുമ്മനം രാജശേഖരന്‍, തമിഴ്നാട് ഗവര്‍ണര്‍ ബന്‍വാരിലാല്‍ പുരോഹിത്, കര്‍ണാടക ഗവര്‍ണര്‍ വാജുഭായ് വാല, നാഗാലാന്‍ഡ് ഗവര്‍ണര്‍ പി.ബി ആചാര്യ എന്നിവര്‍ വിവിധ സെമിനാറുകളില്‍ പങ്കെടുക്കും.
