കോട്ടയം: നഗരത്തിലെ ആഡംബര ഹോട്ടലില്‍ നിന്നും കഞ്ചാവുമായി പിടിയിലായ യുവ തിരക്കഥാകൃത്തിനെ ജാമ്യത്തില്‍ വിട്ടു. അടുത്തിടെ പുറത്തിറങ്ങിയ “സ്വാതന്ത്ര്യം അര്‍ധരാത്രിയില്‍’ എന്ന ഹിറ്റ് ചിത്രത്തിന്‍റെ തിരക്കഥാകൃത്ത് അതിരന്പുഴ അമ്മഞ്ചേരി ഇല്ലിക്കല്‍ ദിലീപ് കുര്യനെ(33)യാണു കഞ്ചാവുമായി പോലീസ് പിടിച്ചത്. സ്ഥലത്ത് കഞ്ചാവ് എത്തിച്ചത് നഗരത്തിലെ കുപ്രസിദ്ധ കഞ്ചാവ് കച്ചവടക്കാരനാണ്. ഇയാളുടെ വരവാണ് ഹോട്ടല്‍ അധികൃതര്‍ക്ക് സംശയമുണ്ടാക്കിയത്. വെസ്റ്റ് പോലീസ് സ്ഥലത്തെത്തിയാണ് ദിലീപിനെ അറസ്റ്റ് ചെയ്തത്. മൂന്ന് ഗ്രാം മാത്രം കഞ്ചാവാണ് പോലീസ് ഇവരില്‍ നിന്നും പിടിച്ചെടുത്തത്. കഴിഞ്ഞ ദിവസം രാത്രി 11.15 ഓടെയാണ് സംഭവം.
പുതിയ സിനിമയുടെ ഷൂട്ടിംഗ് തുടങ്ങുന്നതിനു മുന്നോടിയായാണു ദിലീപ് നഗരമധ്യത്തിലെ ലോഡ്ജില്‍ മുറിയെടുത്തത്. തിരക്കഥയില്‍ ആവശ്യമായ മാറ്റം വരുത്തുകയായിരുന്നു ലക്ഷ്യം. ദിലീപും സിനിമയുടെ സംവിധായകനും ക്രൂ അംഗങ്ങളും ഹോട്ടലിലുണ്ടായിരുന്നു. നിരവധി പേര്‍ ഹോട്ടലിലേക്കു എത്തിയതോടെ സംശയം തോന്നിയ ഹോട്ടല്‍ അധികൃതര്‍ പോലീസിനെ വിവരം അറിയിക്കുകയായിരുന്നു.
