ന്യൂഡല്‍ഹി: ബ്രിട്ടീഷ് പ്രധാനമന്ത്രി തെരേസ മേയ് അടുത്ത മാസം ആദ്യം ഇന്ത്യയില്‍ എത്തിയേക്കും. പ്രധാനമന്ത്രിയെന്ന നിലയില്‍ തെരേസ ആദ്യമായാണ് ഇന്ത്യയില്‍ എത്തുന്നത്. ഡല്‍ഹിയില്‍ നവംബര്‍ ഏഴ് മുതല്‍ ഒന്‍പത് വരെ നടക്കുന്ന ഇന്ത്യ-യു.കെ ടെക് ഉച്ചകോടിയോട് അനുബന്ധിച്ചായിരിക്കും സന്ദര്‍ശനമെന്നും റിപ്പോര്‍ട്ടുണ്ട്.ഇന്ത്യന്‍ ശാസ്ത്രാ സാങ്കേതിക വകുപ്പും കോണ്‍ഫഡറേഷന്‍ ഓഫ് ഇന്ത്യന്‍ ഇന്‍ഡസ്ട്രീയും ചേര്‍ന്നാണ് പരിപാടി സംഘടിപ്പിക്കുന്നത്. ബ്രിട്ടീഷ് ശാസ്ത്ര റിസേര്‍ച് വകുപ്പ് മന്ത്രി ജോ ജോണ്‍സണും ചടങ്ങിനെത്തുന്നുണ്ട്.2015 നവംബറില്‍ പ്രധാനമന്ത്രി നരേന്ദ്ര മോഡിയുടെ യു.കെ സന്ദര്‍ശനത്തിലാണ് ഉഭയകക്ഷി ഉച്ചകോടിക്ക് തീരുമാനമായത്.
