തൊടുപുഴ: ഇടുക്കി കമ്പകക്കാനം കൂട്ടക്കൊല കേസില്‍ അറസ്റ്റിലായ പ്രതി ലിബീഷിനെ കോടതി രണ്ടാഴ്ച്ചത്തേയ്ക്ക് റിമാന്‍ഡ് ചെയ്തു. ദുര്‍മന്ത്രവാദവുമായി ബന്ധപ്പെട്ട വിശ്വാസങ്ങളാണ് നാലംഗ കുടുംബത്തിന്റെ കൊലയ്ക്ക് കാരണം. കൃഷ്ണന്‍, ഭാര്യ സുശീല, മക്കളായ ആര്‍ഷ, അര്‍ജുന്‍ എന്നിവരാണ് മരിച്ചത്.
ഓഗസ്റ്റ് ഒന്നാം തീയതിയാണ് കാണാതായ നാലംഗ കുടുംബത്തെ മരിച്ച നിലയില്‍ കണ്ടെത്തിയത്. കേസിലെ മുഖ്യപ്രതിയും കൊല്ലപ്പെട്ട കൃഷ്ണന്റെ ശിഷ്യനുമായ അനീഷിന് വേണ്ടിയുള്ള തിരച്ചില്‍ പോലീസ് നടത്തിക്കൊണ്ടിരിക്കുകയാണ്.
