കോട്ടയം : ബൈക്കുകൾ കൂട്ടിയിടിച്ച് മൂന്നുയുവാക്കൾ മരിച്ചു. ചങ്ങനാശ്ശേരി എം സി റോഡിൽ എസ്ബി കോളേജിനു സമീപം വെള്ളിയാഴ്‌ച രാത്രിയാണ്‌ അപകടമുണ്ടായത് . ചങ്ങനാശ്ശേരി പുഴവാത് ഹിദായത്തുനഗറിൽ പള്ളിവീട്ടിൽ ഷാനവാസിന്റെ മകൻ അജ്‌മൽ (27) മാർക്കറ്റ് ഉള്ളാഹയിൽ രാജുവിന്റെ മകൻ അലക്‌സ്(26), വാഴപ്പള്ളി മതുമൂല കണിയാംപറമ്പിൽ രമേശിന്റെ മകൻ രുദ്രാക്ഷ്‌(20) എന്നിവരാണ് മരിച്ചത്‌.
അലക്‌സിനൊപ്പമുണ്ടായിരുന്ന കാരാപ്പുഴശ്ശേരി ഷിന്റോ(23)ക്കു പരിക്കേറ്റു.. എതിർദിശയിൽവന്ന ബൈക്കുകൾ തമ്മിൽ കൂട്ടിയിടിക്കുകയായിരുന്നു.
