തിരുവനന്തപുരം : ആര്യനാട് ടിപ്പര്‍ലോറി സ്കൂട്ടറില്‍ ഇടിച്ച്‌ പനയ്ക്കോട് കുര്യാത്തി രാഖിഭവനില്‍ രാജേന്ദ്ര ന്റെ ഭാര്യ ജലജകുമാരി (49) മരിച്ചു.തിങ്കളാഴ്ച രാവിലെ 8.45 മണിയോടെ ആലുംകുഴിയിലാണ് അപകടം. തൊഴിലുറപ്പ് സ്ഥലത്തേക്ക് ജോലിക്ക് എത്തിക്കുന്നതിനായി രാജേന്ദ്രന്‍, ഭാര്യ ജലജകുമാരി യെ സ്കൂട്ടറില്‍ കൊണ്ടുപോകുകയായിരുന്നു.
വളവു തിരിയുന്നതിനിടെ ടിപ്പര്‍ലോറിയുടെ വശം എതിര്‍ദിശയില്‍നിന്ന് എത്തിയ സ്കൂട്ടറില്‍ തട്ടി. ഇതേത്തുടര്‍ന്ന് ജലജകുമാരി ടിപ്പറിന്റെ അടിയിലേക്കും ഭര്‍ത്താവ് എതിര്‍ദിശയിലേക്കും വീണു. ജലജകുമാരി സംഭവസ്ഥലത്തു തന്നെ മരിച്ചു.
