തിരുവനന്തപുരം : കൊല്ലം-എറണാകുളം റൂട്ടില്‍ ശനിയാഴ്ച മുതല്‍ ജനുവരി 20 വരെ സ്പെഷല്‍ പാസഞ്ചര്‍ ട്രെയിന്‍ സര്‍വീസ് നടത്തുമെന്ന് റെയില്‍വേ അറിയിച്ചു. എറണാകുളത്തു നിന്നും കോട്ടയം വഴി കൊല്ലത്തേക്കു പോകുന്ന പാസഞ്ചര്‍ ട്രെയിന്‍ ശനിയാഴ്ച മുതല്‍ ജനുവരി 20 വരെയുള്ള എല്ലാ ശനിയാഴ്ചകളിലും ഉച്ചയ്ക്ക് 2.40 ന് എറണാകുളത്തു നിന്നും പുറപ്പെടും. കൊല്ലത്തു നിന്നും ആലപ്പുഴ വഴി എറണാകുളത്തേക്കു പോകുന്ന പാസഞ്ചര്‍ ട്രെയിന്‍ എല്ലാ തിങ്കളാഴ്ചകളിലും രാവിലെ 8.50 ന് കൊല്ലത്തു നിന്നും സര്‍വീസ് ആരംഭിക്കുമെന്നും റെയില്‍വേ അറിയിച്ചു.
