തിരുവനന്തപുരം: ഇടതു മദ്യനയത്തിനെതിരെ യുഡിഎഫ് സമരത്തിനിറങ്ങുമെന്ന് പ്രതിപക്ഷനേതാവ് രമേശ് ചെന്നിത്തല. ജൂലൈ ഒന്നിന് കളക്‌ട്രേറ്റിലേക്ക് മാർച്ച് നടത്തും. 14ജില്ലാ കേന്ദ്രങ്ങളിലും സംഘടിപ്പിക്കുന്ന മാർച്ച് ഘടക കക്ഷിനേതാക്കൾ അടക്കമുള്ളവർ ഉദ്ഘാടനം ചെയ്യും. കേരളത്തിൽ നടന്നത് ബാർ കൊള്ളയാണ്. സർക്കാരും ബാറുടമകളും ഒത്തുകളിക്കുകയാണ്. ഇടത് മദ്യനയം കേരളത്തെ തകർച്ചയിലേക്ക് നയിക്കുമെന്നും അദേഹം ആരോപിച്ചു.
