ന്യൂഡല്‍ഹി: ലോക്സഭാ തെരഞ്ഞെടുപ്പില്‍ മുന്‍ മുഖ്യമന്ത്രി ഉമ്മന്‍ ചാണ്ടിയും കെപിസിസി പ്രസിഡന്‍റ് മുല്ലപ്പള്ളി രാമചന്ദ്രനും മത്സരിക്കണോ എന്നുള്ളത് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി തീരുമാനിക്കും. ഇന്ന് ചേര്‍ന്ന സ്ക്രീനിംഗ് കമ്മിറ്റിയാണ് ഇത് സംബന്ധിച്ച തീരുമാനം രാഹുലിന് വിട്ടത്. ഉമ്മന്‍ ചാണ്ടി ഇടുക്കിയിലും മുല്ലപ്പള്ളി വടകരയിലും മത്സരിക്കണമെന്ന് കോണ്‍ഗ്രസിലെ വലിയൊരു വിഭാഗം ആവശ്യപ്പെടുന്നുണ്ട്. ഇതിനിടെ മത്സര രംഗത്തേക്കില്ലെന്ന് മുല്ലപ്പള്ളിയും ഉമ്മന്‍ ചാണ്ടിയും വ്യക്തമാക്കിയിരുന്നു.
