ബാഗ്ദാദ്: ഹാഷദ് അല്‍-ഷാബ് വാഹനവ്യൂഹത്തിനു നേരെ ശനിയാഴ്ച പുലര്‍ച്ച ഒന്നോടെ വടക്കന്‍ ബാഗ്ദാദിലെ ടാജി റോഡിലാണ് റോക്കറ്റ് ആക്രമണം ഉണ്ടായത്. ആറു പേര്‍ മരിച്ചതായാണ് റിപ്പോര്‍ട്ട്. രണ്ട് കാറുകള്‍ ആക്രമണത്തില്‍ തകര്‍ന്നു. ഇറാക്കിലെ ഇറാന്‍റെ പിന്തുണയുള്ള പൗരസേനയായ ഹാഷദ് അല്‍-ഷാബിന്‍റെ കമാന്‍ഡറെ ലക്ഷ്യമിട്ടായിരുന്നു ആക്രമണം.
ബ്രിഗേഡിയര്‍ ജനറല്‍ സുലൈമാനിയുടെ വധത്തിനു പിന്നാലെ ഇറാക്കില്‍ വീണ്ടും യുഎസ് വ്യോമാക്രമണം നടത്തി യത് . ആക്രമണത്തില്‍ മൂന്നു പേര്‍ക്ക് അതീവഗുരതരമായി പരിക്കേറ്റിട്ടുണ്ടെന്ന് റോയിട്ടേഴ്സ് റിപ്പോര്‍ട്ട് ചെയ്തു. ഖാസിം സുലൈമാനിയെ വധിച്ച്‌ 24 മണിക്കൂറിനുള്ളിലാണ് ആക്രമണം. ഇതോടെ മേഖലയില്‍ ഇറാന്‍-യുഎസ് സംഘര്‍ഷത്തിന് കൂടുതല്‍ സാധ്യത തുറന്നിരിക്കുകയാണ്.
