നാഗ്പുര്‍: വിദര്‍ഭയുടെ ഒന്നാം ഇന്നിംഗ്സ് സ്കോറായ 312ന് എതിരേ ഇറങ്ങിയ സൗരാഷ്ട്രയുടെ മറുപടി 307 റണ്‍സില്‍ ഒതുങ്ങി. ആദിത്യ സര്‍വാത് അഞ്ചും അക്ഷയ് വഖാരെ നാലും വിക്കറ്റ് വീഴ്ത്തി. മൂന്നാം ദിനം കളി അവസാനിപ്പിക്കുമ്ബോള്‍ രണ്ടിന് 55 റണ്‍സെന്ന നിലയിലാണ് വിദര്‍ഭ. ഗണേഷ് സതീഷ് (24), വസിം ജാഫര്‍ (5) എന്നിവര്‍ ക്രീസില്‍. ധര്‍മേന്ദ്ര ജഡേജയുടെ പന്തില്‍ ഓപ്പണര്‍മാരായ ഫയ്സ് ഫസല്‍ (10), രാമസ്വാമി (16) എന്നിവരാണ് പുറത്തായത്. വിദര്‍ഭയ്ക്ക് ഇപ്പോള്‍ 60 റണ്‍സിന്‍റെ ലീഡാണുള്ളത്. മത്സരം സമനിലയില്‍ അവസാനിച്ചാല്‍ ഒന്നാം ഇന്നിംഗ്സ് ലീഡിന്‍റെ ബലത്തില്‍ വിദര്‍ഭയ്ക്ക് വീണ്ടും കിരീടത്തില്‍ മുത്തമിടാം.
