തിരുവനന്തപുരം : പിന്നാക്ക വിഭാഗ വികസന വകുപ്പ് ഡയറക്ടറേറ്റിൽ ഒഴിവുള്ള ക്ലാർക്ക് തസ്തികയിൽ താത്കാലിക നിയമനത്തിന് വാക്ക് ഇൻ ഇന്റർവ്യു നടത്തുന്നു. എസ്.എൽ.എസി, ഡി.സി.എ/പി.ജി.ഡി.സി.എ, ഇംഗ്ലീഷ്/മലയാളം യൂണികോഡ് ഡാറ്റാ എൻട്രി പരിജ്ഞാനം എന്നീ യോഗ്യതകളുള്ളവർക്ക് പങ്കെടുക്കാം.
സർക്കാർ സ്ഥാപനങ്ങളിൽ സമാന തസ്തികയിൽ പ്രവർത്തിപരിചയമുള്ളവർക്ക് മുൻഗണന ലഭിക്കും. താത്പര്യമുള്ളവർ ബയോഡാറ്റ, വിദ്യാഭ്യാസം, പ്രവർത്തിപരിചയം എന്നിവ തെളിയിക്കുന്ന അസൽ രേഖകൾ സഹിതം ഒക്ടോബർ 22ന് രാവിലെ 10.30ന് പിന്നാക്ക വിഭാഗ വികസന വകുപ്പ് ഡയറക്ടറേറ്റിലെത്തണമെന്ന് ഡെപ്യൂട്ടി ഡയറക്ടർ അറിയിച്ചു.
കൂടുതൽ വിവരങ്ങൾക്ക് 0471 2727378, 2727379.
