ലക്നൗ: നിയമങ്ങള്‍ അനുസരിക്കാന്‍ കഴിയാത്തവര്‍ സംസ്ഥാനം വിട്ടുപോകണമെന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. ഗൊരക്പുരില്‍ പാര്‍ട്ടി പ്രവര്‍ത്തകരെ സംബോധന ചെയ്ത് സംസാരിക്കുകയായിരുന്നു അദ്ദേഹം. യുപിയില്‍ ക്രമസമാധാനം പരിവര്‍ത്തന ഘട്ടത്തിലാണ്. ഭാവിയിലും ഇത് തുടരും. നിയമങ്ങളെ ബഹുമാനിക്കാത്തവര്‍ക്ക് സംസ്ഥാനം വിട്ടുപോകാം. നേരത്തെയും ഇക്കാര്യം സൂചിപ്പിച്ചുട്ടള്ളതാണെന്നും ആദിത്യനാഥ് പറഞ്ഞു. പ്രധാനമന്ത്രി നരേന്ദ്ര മോദിയേയും ആദിത്യനാഥ് പുകഴ്ത്തി. രാജ്യത്തെ വിഐപി സംസ്കാരം അവസാനിപ്പിക്കാന്‍ പ്രധാനമന്ത്രിക്ക് കഴിഞ്ഞതായും യുപി മുഖ്യമന്ത്രി പറഞ്ഞു.
