മലപ്പുറം : നിലമ്ബൂര്‍ എംഎല്‍എ പി വി അന്‍വറിനെ കാണാനില്ലെന്ന് പറഞ്ഞ് യൂത്ത് കോണ്‍ഗ്രസ് പ്രവര്‍ത്തകര്‍ പൊലീസില്‍ പരാതി നല്‍കി. നിലമ്ബൂര്‍ പോലീസ് നേരിട്ട് സ്വീകരിക്കാത്തതിനാല്‍ പരാതി ഇ-മെയിലായാണ് നല്‍കിയത്.
കഴിഞ്ഞ ഒരു മാസത്തിലധികമായി എംഎല്‍എയെക്കുറിച്ച്‌ യാതൊരു വിവരമില്ലെന്നും നിയമസഭാ സമ്മേളനത്തില്‍ എംഎല്‍എ പങ്കെടുത്തിട്ടില്ലെന്നും പരാതിയില്‍ പറയുന്നു. നിലമ്ബൂര്‍ റോഡിന്റെ ശോച്യാവസ്ഥയെക്കുറിച്ച്‌ പരാതി പറയാന്‍ എംഎല്‍എ ഓഫീസിലെത്തിയപ്പോള്‍ പി വി അന്‍വര്‍
സ്ഥലത്തില്ലെന്നാണ് അറിയിച്ചതെന്നും യൂത്ത് കോണ്‍ഗ്രസ് പരാതിയില്‍ പറയുന്നു.
അദ്ദേഹത്തിന്റെ ഒതായിയിലെ വീട്ടില്‍ ചെന്നപ്പോഴും തിരുവനന്തപുരത്തെ എംഎല്‍എ ക്വാര്‍ട്ടേഴ്‌സില്‍ എത്തിയപ്പോഴും കഴിഞ്ഞ ഒരു മാസമായി അദ്ദേഹം അവിടെ എത്തിയിട്ടില്ലെന്നും പരാതിയില്‍ പറയുന്നു. ഇതോടെ അന്വേഷിച്ച്‌ എംഎല്‍എയെ കണ്ടെത്തണമെന്നാവശ്യപ്പെട്ട് യൂത്ത് കോണ്‍ഗ്രസ് നിലമ്ബൂര്‍ മുന്‍സിപ്പല്‍ പ്രസിഡന്റ് മൂര്‍ഖന്‍ ഷംസുദ്ദീനാണ് പരാതി നല്‍കിയിരിക്കുന്നത്.
