തിരുവനന്തപുരം : ശബരിമല സ്ത്രീ പ്രവേശന വിഷയത്തില് ദേവസ്വം മന്ത്രി കടകംപള്ളി സുരേന്ദ്രന് രാജിവെക്കണമെന്ന് ആവശ്യപ്പെട്ട് യുവമോര്ച്ച നടത്തിയ മാര്ച്ചില് സംഘര്ഷം. മന്ത്രിയുടെ വസതിയിലേക്ക് നടത്തിയ മാര്ച്ച് പൊലിസ് ബാരിക്കേഡ് വെച്ച് തടഞ്ഞതോടെയാണ് സംഘര്ഷം ആരംഭിച്ചത്. ബാരിക്കേഡ് തള്ളിമാറ്റി മുന്നോട്ടുപോകാന് ശ്രമിച്ച പ്രവര്ത്തകരെ പിരിച്ചുവിടാന് പൊലിസ് കണ്ണീര് വാതകവും ജലപീരങ്കിയും പ്രയോഗിച്ചു.
